Кыз бала мунчага кереп качкан
Соңрак аның җансыз гәүдәсен янгын сүндерүчеләр тапкан.
Башкортстанның Чакмагыш районының Яңа Балтач авылында янгын чыккан. Кызганычка каршы, янгынны сүндерү барышында мунча бинасыннан өч яшьлек кыз бала гәүдәсе табылган.
«Янын нәтиҗәсендә кирпеч мунча, гараж һәм бүрәнә абзарга зыян килгән. Янгыныы сүндерү барышында 2020 елда туган кыз бала гәүдәсе табылды», — дип хәбәр итәләр Гадәттән тыш хәлләр министрлыгының БР буена Баш идарәсендә.
Башкортстан Республикасы Прокуратурасы тикшерү оештырган.
Соңрак билгеле булуынча, 3 һәм 5 яшьлек балалар үз йортлары ихатасында портатив газ горелкасы тапканнар. Аны кабызып уйнаганда ялгыш печәнгә ут капкан. Ялкын тиз арада каралты-курага таралган. Куркышыннан микән, өч яшьлек кыз бала мунчага кереп качкан. Янгын сүндергәндә аның җансыз гәүдәсен тапканнар.
Гаиләгә бала югалту кайгысын кичерергә Ходай Тәгалә түземлекләр һәм сабырлыклар бирсен.
Чыганак: bashinform. ru
Автор: Әлфия Шакирҗанова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев