Көз көне туган балалар турында гаҗәеп фәнни фактлар

Алардан спорт йолдызлары үсә.

2014 елда International Journal of Sports Medicine журналында дөнья күргән тикшеренү күрсәткәнчә, көзен туган балалар чыдамрак һәм бигрәк тә апрель, май һәм июнь айларында туган яшьтәшләреннән физик яктан көчлерәк.

Ноябрь аенда дөньяга килгән балалар иң яхшы спортсменнар, икенче урында сентябрь, ә өченче урында – октябрь балалары.

Галимнәр фикеренчә, мондый феномен җәй көне алган D витаминының югары дәрәҗәсе белән бәйле булырга мөмкин.

Аларның озын гомерле булу өчен бөтен мөмкинлекләре дә бар.

Көз айларында дөньяга килгән кешеләрнең йөз яшькә кадәр яшәү ихтималы аеруча зур икән. Аерым алганда, октябрь аенда туган кешеләрнең йөз еллык юбилеен билгеләп үтү апрель ае белән чагыштырганда күпкә күбрәк.

Аларның йөрәкләре сәламәт

Октябрьдагыларның озын гомерле булуы йөрәк-кан тамырлары авыруларының чагыштырмача түбән булуы белән дә аңлатыла. Һәрхәлдә, ел фасылы арасында элемтәне өйрәнүгә багышланган тагын бер тикшеренү авторлары әнә шундый нәтиҗәгә килгән.

Алар арасында сәясәтчеләр күп

Яхшы физик һәм психик сәламәтлек октябрь балалары өчен барлык мөмкинлекләр ача. Әйтик, Motherly ресурсы мәгълүматлары буенча, Америка президентлары күбесе октябрьдә туган көнен билгеләп үтә, дип яза Салават Күпере.

Фото: pixabay.com