Ленур яки  балтачлылар кайда да район маркасын нык тота

 Балтачлылар читтә дә районыбыз маркасын нык тоталар. Бүгенге көндә Чавал политехника колледжында  белем алучы  Балтач бистәсе егете Ленур Низаметдинов,  Вятка Аланы шәһәрендә,  югары хәрби училище курсанты, хәрби бурычын үтәгәндә һәлак булган татар егете  Эдуард Камалиев истәлегенә   кул сугышы буенча узган IХ Бөтенроссия турнирында,  16-17 яшьлекләр арасында 60 килограмм үлчәү авырлыгында, өченче урынны яулап,  үзен чын егет итеп танытты. Ленурга киләчәктә дә зур җиңүләр теләп калабыз.