Мәктәп укучылары өчен туклану бәясе артачак?

Татарстанда башлангыч мәктәп укучыларын бушлай кайнар ризык белән тәэмин итүгә тотылган чыгымнарны этаплап арттыру планын яңадан караячаклар.  Әгәр 2024 елга бер укучыга туклану бәясе 61,3 сум тәгаенләнгән булса, хәзер инде бу сумма үзгәрде һәм 66,76 сум тәшкил итәчәк, диелә ТР Финанс министрлыгы әзерләгән карар проектында.

Нормативта бер укучыга кайнар ризыкның уртача бәясе күрсәтелгән. 2025 елга кайнар ризыкның уртача бәясе һәм нормативы элегрәк планлаштырылган 63,75 сум урынына 69,43 сум күләмендә билгеләнгән. 2026 елда норматив 72,21 сумга кадәр артачак.

Документ 8 августка кадәр коррупциягә каршы экспертиза уза. Кабул ителгән очракта, ул 2024 елның 1 гыйнварыннан үз көченә керә.

Чыганак