Мәктәпкә барганда сумка тулы акча тапкан

Кыз, гадәттәгечә, нәнәсе белән иртүк мәктәпкә барырга чыккан. Барганда кыз юлда яткан пакетка аягы эләгеп абынган. Эчен ачып карасалар, ул акча белән тулы булган!

Үзләренә алганнардыр, диярсез. Юк. Үзләре бай гаиләдән булмасалар да әби, озак уйлап тормыйча, оныгын мәктәпкә илтеп куйган да акчаны полиция бүлегенә илтеп биргән.

Бүген бу вакыйгага инде ике ай үткән. Акчаның хуҗасы да табылган. Кичә ул акча тапкан гаиләгә килгән, рәхмәтен белдергән, бүләкләр биргән.

Арытаба ачыклануынча, ул акчаны машина сатып алыр өчен кредитка алган һәм машина сатылган кибеткә ашыккан. Акчаның ничек төшеп калганлыгын ир үзе дә абайламыйча калган, дип яза Кызыл таң.

Фото: pixabay.com/ru