Мәскәүдә минималь пенсияне 19,5 мең сумга кадәр арттыралар
1 сентябрьдән пенсия аена 2 мең сумга артачак.
(Казан, 27 август, «Татар-информ»). Мәскәүдә эшләмәүче кешеләрнең минималь пенсиясе, шәһәр өстәмә түләүләрен исәпкә алып, 1 сентябрьдән аена 2 мең сумга артачак һәм 19,5 мең сум тәшкил итәчәк. Бу хакта «Интерфакс» хәбәр итә.
Мәскәү Хөкүмәте Президиумы утырышында тиешле карар сишәмбе көнне кабул ителде һәм мэр Сергей Собянин тарафыннан имзаланды.
«Мәскәүдә яшәүче 1,6 млн пенсионер пенсиягә өстәмә алачак, ә аларның 44 меңе беренче тапкыр ала, - дип язган Сергей Собянин Твиттерда. Ул, түләүләрне яңадан исәпләү сентябрьнең беренче декадасында гадәти график буенча узачак», дип аныклап үтте.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев