«Наркотикларсыз тормыш»

Ильнур, 18 сентябрь 2013 - 04:12

2406

16нчы сентябрьдән 16нчы октябрьгә кадәр дәвам итәчәк айлык нәкъ менә шулай атала.

Районыбызда наркотиклар куллану юк дәрәҗәсендә булса да, бу чарадан читтә калу мөмкин түгел. Әлеге афәт безгә килмәде әле дип кул кушырып утырырга ярамый. Афәтне булдырмаска тырышырга кирәк. Шул уңайдан районда күпсанда чаралар үткәреләчәк. Айлык бүген, ягъни 18нче сентябрь көнне «Без тормыш яклы» дигән чара белән башланып китәчәк. Мәдәният үзәгендә мәктәп укучылары өчен наркотикларга каршы төшерелгән фильм тәкъдим ителә, белгечләр чыгышы, фикер алышулар булыр дип көтелә. Әйтер сүзе, теләге булганнар ай дәвамында «Ышаныч ящиклары»на мөрәҗәгатьләр яза, шулай ук 2-62-44(прокуратура), 2-43-46 (полиция бүлеге), 2-52-49 (табиб-нарколог) телефон номерларына шалтырата ала.