"Наз" үзәге укулар оештырды

Ильнур, 1 гыйнвар 2017 - 09:20

2629

28 декабрь көнне «Наз» Халыкка комплекслы социаль хезмәт курсәтү үзәгендә социаль һәм медицина хезмәткәрләре өчен уку оештырылды.

Социаль яклау бүлеге җитәкчесе Алсу Гатиятуллина вакытында коммуналь түләүләр турында әйтеп китте. «Наз» үзәге директоры Гөлнара Әхмәдиева Яңа ел ялларында социаль карамактагы өлкәннәребез һәм ведомствоара учетта торучыларны күзәтүсез калдырмау турында аңлатты. Директор урынбасары Фәния Йосыпова социаль карамактагы өлкән кешеләрне янгыннан саклау кагыйдәләре буенча өстәмә инструктаж уткәрде.

Оештырылган уку социаль һәм медицина хезмәткәрләрнең белемен арттыра, өлкәннәр белән уртак тел табу һәм аларны хөрмәт итәргә өйрәтә.