Ниһаять бабайның агачын кистеләр

Ул аны заманында читән эченә үзе утырткан булган, хәзер инде үзе дә олыгайган, авырып китеп, операцияләр кичергән, агачлар үскән, кояш нурларын каплый башлаган. Шуңа да агачымны кисмиләр, дип зарланып, безгә килгә иде. Сайтта да , газетада да бу мөрәҗәгать дөнья күрде.

Беркөнне таякка таянган бабаебыз редакциягә килеп, веб-редактор белән мине дә битәрләп китте, язган булдыгыз, имеш, әнә, утыра, кисмиләр, дип тә өстәде. Бабай, борчылмагыз, кисәрләр, күрше Сәлимә апаныкын да килеп кистеләр, җае чыкканны көтәләрдер, аның бит кисүчесен дә, ташучысын да, чистартучысын да, техникасын да юнәтергә кирәк дип тынычландырдык. Чөнки бистәнең башкарма комитет җитәкчесенең "Хезмәт"кә биргән сүзендә нык торуын, кайчан да булса барыбер эшләячәген беләбез. Бистә кадәр бистәдә бабай да, без генә түгел бит, башка проблемалары да җитәрлек. Һәм менә бүген куанып әйтә алабыз, бабайның өенә комачаулап торуы агачларны кисәләр. Рәхмәт, өлкән кешенең гозерен тыңлап, бу эшне башкартучыларга һәм дә башкаручыларга. Шулай ук абунәчеләрен яклаучы "Хезмәт"кә дә рәхмәт.