Нормабаш авылы янында аю эзләре табылган

Ильнур, 17 сентябрь 2014 - 10:33

2528

Аю белән очрашу турындагы соңгы хәбәрләр турында сайтыбызда язып чыккан идек инде. Һәм бу темага яӊа хәбәр: аюныӊ яӊа эзләре Нормабаш авылы янында урнашкан умарталык янында табылган.

Нормабаш авылы янында аю эзләре табылган

Эзләренә караганда аю бер үзе, хәзергә умарталарга һөҗүм итмәгән. Бу аю бер ничә ел элек килгән булса, алдагы сәфәре вакытында шикелле кышка да бездә йокларга калырга да мөмкин диләр, тәҗрибәле сунарчылар.

Хәзер гөмбә җыю вакыты, урманда йөрүчеләр күп, төркемнән артык аерылмыйча, бер-береӊне күздән югалтмыйча йөрү мәслихәт. Әгәр урман патшасы очраган икән, бу очракта борылып йөгермичә, җайлап кына йөз белән аӊа карап, арттка чигенеп, вакытында күзеннән югалырга кирәк.

Фото: http://www.topnews.ru/news_id_50138.html