Нәрсәне фотога төшерергә ярамый?
Фотога төшерү белән бәйле төрле сынамышлар бар. Кемнәрдер ярамаган фото эшләп, бәла-каза чакырырга мөмкин икәненә ышана. Ә сез моны беләсезме?
Йоклаган баланы фотога төшермәгез. Кешенең күзләре йомык чакта ул башка дөньяларның “начар көчләренә” бирешүчән була икән. Аеруча сабыйлар. “Усал рухлар” балага негатив йогынты ясамасын дисәгез, аны йоклаганда төшермәгез.
Көзгеләр элек-электән исәннәр һәм үлгәннәр арасында портал буларак кабул ителгән. Аеруча ике көзге арасында басып торсаң. Сынамышларга ышанганнар өчен селфи да яхшы нәрсә түгел. Шуңа күпләр аларны башкаларның фотога төшерүен сорый.
Хәрабәләр, җимерек төзелешләр начар вакыйгалар белән бәйле, алар үзләрендә негатив энергетиканы саклый. Аларны фотога төшерүченең язмышына да йогынты ясарга мөмкиннәр.
Сәгать фонында фотога төшсәң, гомерең кыскара, дигән сынамыш та бар.
Мәче балаларын бик күпләр фотога төшерергә ярата. Ләкин мәченең йоны кара булса, бу фото кайгы китерергә мөмкин, имеш...
Үлгән кешене фотога төшерсәң, аларның җаннары тынгы таба алмый, диләр. Андый фото булса, яндыру хәерле, дип яза Кызыл таң.
Фото: pixabay.com
Автор: Ләйсән Якупова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев