Рассадага нинди ашлама сибәләр?
Суган кабыгы, йомырка кабыгы рассадаларга шәп ашлама була.
Өйдәге рассадаларга ашлама ясап сибәргә кирәк булса, моның өчен суган кабыгы да җитә. Бу турыда «Челнинские известия» хәбәр итте.
20 грамм суган кабыгына биш литр су салыгыз. Биш көн чамасы төнәтегез. Шушы төнәтмәне рассадаларга сибеп була.
Йомырка кабыгы да рассадаларга ашлама була. Өч литрлы банканың өчтән ике өлешенә йомырка кабыгы тутырыгыз, суның өстенә су салыгыз. Дүрт көн дәвамында караңгы урында төнәтегез. Төнәтмәгә 1:3 чагыштырмасында су кушыгыз һәм рассадаларга сибегез.
Үлән белән ашлама ясарга уйласагыз, үләнен җәйдән үк җыеп куярга кирәк. Киптерелгән кычытканны бер литрлы банканың дүрттән өч өлешенә тутырыгыз, су өстәгез. Җылы урында алты көн төнәтегез. Аннары төнәтмәгә 1:10 исәбенә су кушыгыз. Мондый төнәтмәне рассада тамырына гына сибәргә кирәк.
Тулырак: Интертат
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев