Саба районында коточкыч һәлакәт – 5 егет үлгән (фото).

Ильнур, 4 май 2015 - 05:26

2355

2 май көнне, кичке сәгать 10 тулып киткәч Байлар Сабасы - Килдебәк юлында коточкыч юл-транспорт һәлакәте булган.

Саба районында коточкыч һәлакәт – 5 егет үлгән (фото).

Ике машина - "ВАЗ-2114" һәм "Митсубиси" автомобильләре бәрелешкән. Тизлек шул дәрәҗәдә югары булган ки, "ВАЗ-2114" машинасы тимер өеменә әйләнә. Юл-транспорт һәлакәте аркасында ватан машинасында булган 5 егет тә һәлак булган.

"Митсубиси" шоферын авыр хәлдә хастаханәгә алып китәләр. Һәлакәт урынына ярдәмгә 23 кеше, 7 берәмлек техника җәлеп ителә. Шул исәптән Гадәттән тыш хәлләр министрлыгының янгын сүндерү-коткару хезмәтеннән 7 кеше һәм 2 берәмлек техника.

Кайгы килгән гаиләләрнең авыр кайгысын уртаклашабыз. Юлларда сак йөрик!