Салымнар түләр вакыт

Бер генә көн соңга калынса да, пеня исәпләнелә башлый. Салым түләүче 3 яисә 4 декабрьдә түләрмен, алай гына суммасы артмый, дип уйласа, нык ялгыша. Соңга калган һәр көн өчен пеня исәпләнә, салым үзе түләнсә дә, пеняң булганлыктан, салым түләмәүчеләр исемлегенә керәсең һәм бу сиңа җитди проблемалар тудырырга мөмкин. Шуңа күрә, бүгеннән үк килгән хатларга игътибарлы булып, салымнарны түлик. 

Салымнарны Россия Федераль салым хезмәте сайтының салым түләүченең шәхси кабинетыннан файдаланучылар салымны онлайн-режимда, «Оплатить» кнопкасыннан файдаланып яки «Заплати налоги» сервисында УИН номерын кертеп; банк һәм почта бүлекчәләрендә; банк түләү терминаллары һәм банкларның мобиль кушымталары аша, QR-код һәм штрих-кодны сканерлап яисә УИН кертеп; УИН кертеп, дәүләт хезмәтләренең федераль һәм региональ порталлары һәм «Электронное правительство Республики Татарстан» терминалы аша түләп була.