Сары яфрактан соң яшел чирәм

(Өлкәннәр көне уңаеннан)
Сары көз бит сагыш кына түгел,
Ул бит безгә муллык китерә.
Уңыш биргән юмарт басулардан
Йомшак исеп, җилләп йөгерә.

Без дә сөрдек тормыш буразнасын
Ярсу җилләр белән ярышып.
Нинди генә сынау каршында да
Түзем булдык, йотып сагышын.

Үпкәләүләр, офтанулар белән
Инде җаныбызны каралтмыйк.
Юк-бар борчуларга чыдамыйча
Якты дөнья ямен югалтмыйк.

Яшәү дәрте кабызырдай
Якын кешең, дуслар булганда,
Югалмабыз әле беребез дә
Дәрманыбыз ташып торганда.

Сары яфрактан соң яшел чирәм
Калкып чыксын безнең юлларда!