Сездә дә суыкмы ул?..

Синоптиклар фаразлаганча бүген кискен салкыннар килеп тә җитте. Кыш, кышлыгын итәргә тиеш инде, булсын кары да, салкыны да, диләр кайберәүләр. Ә икенчеләре тизрәк җәй җитсен иде инде, туйдым салкыннардан, дип зарлана. Шәхсән, үземә кышның коры салкыннары ошый, аяк астында баскан саен кар шыгырдый, керфекләргә, кашларга бәс куна.

Менә бүген дә кыш үзенең холкын күрсәтте, Балтачыбызда салкын һава торышы урнашты. Бүген иртән, Яңа Салавыч авылында температура -43⁰Ска кадәр төшкән. Сездә термометр күпме күсрәтә, фотога төшереп Вконтакте төркемендәге язмабыз астына комментарийга урнаштырыгыз әле. Күрик районның кайсы почмагында нинди температура булганын.