Су ташуга әзерлән

Табигать баласы буларак кеше дә яӊарышка,үзгәрешкә әзерләнә. Әммә шушы матур вакытта күӊелне борчый, тормышны җайсызлый торган вакыйгалар да булгалый. Сүз язгы ташу турында. Кайбер кешеләргә бу турыдан-туры кагылмаса да, Кариле һәм Салауч, Яӊгул һәм Борнак, Чутай һәм Көшкәтбаш һәм елга кырыйларына утырган авыл кешеләренә бу табигать әфәте яхшы таныш. Балтач бистәсенеӊ Нариман, Тукай, Комсомол урамында яшәгәннәргә дә язныӊ бу «бүләгеннән» ел саен саллы гына өлеш чыга. Язгы ташу матур күренеш булса да, һәр хуҗалык, һәр оешма моӊа ныклап әзерләнергә тиеш. Капка төпләрендә, каралты-кура кырыйларыннан су ага торган юллар ясарга вакыт. Соӊыннан, күршем су юлы казымаган, шуӊа гына минем хуҗалыкны су басты дип, күӊелсезләнеп йөрергә туры килмәсен. Бер булып, бер-беребезне аӊлап һәм үзебездән тиеш булганын башкарсак, яз безнеӊ тормышны бизәр генә!