Татарстан халкын кыска эш атнасы көтә
Ватанны саклаучылар көнен бәйрәм итүгә бәйле рәвештә, республикада яшәүчеләр 23, 24 һәм 25 февральдә ял итәчәк.
(Казан, 19 февраль, «Татар-информ»). 23 февральдә Ватанны саклаучылар көнен бәйрәм итүгә бәйле рәвештә, Татарстан халкын кыска эш атнасы көтә. Бу хакта Татарстан хезмәт, мәшгульлек һәм социаль яклау министрлыгы матбугат хезмәте хәбәр итә.
«Россия Федерациясе Хезмәт кодексының 112нче маддәсе нигезендә, 23 февраль — Ватанны саклаучылар көне – эш көне булмаган бәйрәм көн санала. Шул рәвешле, 2018 елда биш көнлек эш атнасында 23, 24 һәм 25 февраль ял көннәре булачак. Шул ук вакытта, 22 февральдә эш көне бер сәгатькә кыскара», - диелә хәбәрдә.
Ике атнадан соң республикада яшәүчеләрне Халыкара хатын-кызлар көнен бәйрәм итүгә бәйле рәвештә тагын рәттән дүрт көн ял көтә. Ягъни 8, 9, 10 һәм 11 мартта ял итәчәкбез.
Фото: Салават Камалетдинов
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев