Татарстанда аномаль эсселек аркасында шторм кисәтүе игълан ителде
Дүшәмбе, 13 июльдә, Татарстанда кичке алтыдан сишәмбе киченә кадәр көчле, яшенле яңгыр көтелә, урыны белән боз яварга мөмкин.
(Казан, 13 июль, «Татар-информ», Полина Шевчук). Татарстанда аномаль эсселек аркасында шторм кисәтүе игълан ителде. Бу хакта «Татарстан Республикасы Гидрометеорология һәм әйләнә-тирә мохитне күзәтү идарәсе» федераль дәүләт бюджет учреждениесе хәбәр итә.
Идарә мәгълүматларыннан күренгәнчә, 14 һәм 15 июльдә көндез республикада аномаль эссе һава торышы хакимлек итәчәк, термометрның терекөмеш баганасы урыны белән +38 градуска кадәр күтәреләчәк.
Моннан тыш, дүшәмбе, 13 июльдә, Татарстанда кичке алтыдан сишәмбе киченә кадәр көчле, яшенле яңгыр көтелә, урыны белән боз яварга, җилнең тизлеге көчәйгәндә секундына 23 метрга җитәргә мөмкин.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев