ТР Президенты: Безнең нефть күп, әмма полимер һәм каучукларда акча эшләячәкбез
Республика эшкәртелмәгән нефть сатудан нефть продуктларын сатуга күчәчәк.
Татарстан, элеккегечә, «кара алтын» сатуга гына йөз тотмаячак, ул төрле нефть продуктлары җитештереп акча эшләүне планлаштыра. Бу хакта туры эфир вакытында Татарстан Президенты Рөстәм Миңнеханов сөйләде.
«Бездә нефть күп, ул төрле формаларда. Нефть сәнәгате киләчәктә дә эшләп калыр. Тик без, нефть сатуга түгел, ә аны эшкәртүгә, нефть продуктлары җитештерүгә, полимерлар һәм каучук ясауга юнәлеш тотачакбыз», - диде Рөстәм Миңнеханов.
Республиканың нефть керемнәре кимүгә карамастан, бу чор узачак. Нефть бәяләре акрынлап тотрыкланырга тиеш, дип саный Татарстан Республикасы Президенты: «2020 елның сигез аена, узган елга караганда, 34 млрд сум минуста. Бу күңелсез нәрсә, бик авыр хәл. Әмма аз булса да федераль ярдәмгә өметләнәбез. Без хәлне төзәтәчәкбез».
Нефть чыгаруның 77 еллык тарихында республика җир асты байлыкларыннан 3 миллиард тоннадан артык нефть чыгарылган. Хәзер республика галимнәре һәм нефтьчеләре югары үзле нефть чыгару технологияләрен камилләштерәләр.
Фото: «Татар-информ»/Михаил Захаров
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев