Төрлесе
Тәрәзә пыялаларын ничек чистартырга?
Тәрәзә пыялалары чиста булсын, ялтырап торсын өчен берничә кагыйдәне истә тотарга кирәк. Бу турыда киңәшләр сайтында язылган.
Тәрәзәләрне җылы һәм болытлы көнне юарга кирәк. Кояш нурлары тәрәзәгә бәреп тормаган чакта юсаң, эзләр калмый.
Башта рамнарны һәм тәрәзә төпләрен чистартыгыз. Моның өчен суга савыт-саба юа торган сыеклык яки кер порошогы салыгыз.
Пыялаларны юар өчен яңа су алыгыз. Аңа сыек сабын салыгыз. Губка яки махсус швабра белән тәрәзә пыялаларыннан пычракны һәм күбекне чистартып бетерегез.
Тәрәзә бик пычрак булса, нашатырь спирты яки аш серкәсе кулланырга була. Нашатырь спирты пыяладагы никотин элпәсен дә чистарта. Моның өчен бер стакан суга 5 тамчы нашатырь спирты салып, эремә ясагыз.
Пыялаларда эзләр калмасын өчен аш серкәсе кулланып була. Бер литр суга берничә кашык аш серкәсе салыгыз.
Нашатырь спирты да, аш серкәсе дә бик исле була, шуңа күрә эш беткәч бүлмәне яхшылап җилләтегез.
Тәрәзә юу өчен йомшак тукыма яки микрофибра кулланыгыз, кәгазь тастымал белән дә сөртеп була.
Чыганак: Интертат ; фото: https://pixabay.com/
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Теги: файдалы киңәшләр пластик тәрәзә тәрәзә пыялаларын чистарту
Нет комментариев