Җәвит "Башваткыч"тан китмәскә булган

"Башваткыч" тапшыруын алып барырга чакыргач, бер елга дип сөйләшкән идек. Бер ел узды, инде өч ел да узып киткән. "Минем урынга бәлки берәрсен табарсыз? Мин китәм", - дигән идем "хуҗа"ларга.

Алар озак кына уйлашканнан соң, минем урынга Зөлфәт Зиннуровны сайлаганнар. Шуннан соң минем китүем һәм минем урынга яңа алып баручы килүе турындагы мәгълүмат бөтен халыкка таралды.

Хуҗалар "Башваткыч"ны бөтен халык яратып карый. Китмә инде син", - дип кабат миңа эшемне дәвам итәргә тәкъдим ясадылар. Сөйләшә торгач, Миләүшә Айтуганова төшерү вакытларын гастрольләргә туры килмәгән көннәрдә эшләрбез, диде. Хуҗаларның тәкъдиме - тапшыруны дәвам итәргә. Әмма тагын күпме алып барасымны әлегә әйтә алмыйм. Аннары тапшыруның рәте бетеп, рейтингы төшсә, үземә дә кыен булыр дип, башка кешегә бирәсе дә килмәде. Ул бит миңа балам шикелле. Көчем тагын күпмегә җитәр, алып баруны шулкадәр дәвам итәрмен", - ди Җәвит Шакиров.