64 яшьлек ир-ат тәмәкесен сүндермичә йоклап киткән һәм янып үлгән
Тәмәке тартканда көл савыты куллану зарур
Бөгелмәдә сүндерелмәгән тәмәке төпчегеннән чыккан янгында 64 яшьлек ир-ат һәлак булган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә.
Ир-ат өендә тәмәке тарткан һәм креслода йоклап киткән дип фаразлана. Бу 5 квадрат метр мәйданда янгын чыгуга сәбәпче булган. Урынга килгән 64нче янгын-коткару часте хезмәткәрләре янгынны сүндергән вакытта хуҗаның мәетен табып алган.
Россия Гадәттән тыш хәлләр министрлыгында искәртүләренчә, караватта яткан килеш тәмәке тартмаска һәм тәмәке төпчеген балконнан ыргытмаска кирәк, чөнки бу янгын чыгуга сәбәпче булырга мөмкин. Тәмәке тартканда көл савыты куллану зарур. Моннан тыш, торакка янгын турында хәбәр итү җайланмасы куярга киңәш ителә - ул төтен чыкса сигнал бирәчәк, ә янгын чыккан очракта шунда ук 101 номерына шалтыратырга кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев