Юлларда бер-бер артлы фаҗига. Сак булыгыз! (фото)
Каты бәрелешүдән соң, беренче автомобиль юл кырыена төшеп киткән, икенчесе юлда аркылы борылган.
Татарстанның Яңа Чишмә районында кичә 16.30 сәгать тирәсендә юл-транспорт һәлакәте булган. «Татар-информ»га юл-транспорт һәлакәте шаһитлары сөйләгәнчә, юлда Ford һәм Renault автомобильләре кара-каршы бәрелешкән.
Каты бәрелешүдән соң, беренче автомобиль юл кырыена төшеп киткән, икенчесе юлда аркылы борылган.
«Ford йөртүчесе имгәнүләрдән һәлакәт урынында ук үлгән. Моннан тыш, өч зыян күрүче — ике хатын-кызны һәм бер яшүсмер кыз баланы хастаханәгә алып киткәннәр», - ди һәлакәт шаһитлары.
Шулай ук Чаллы шәһәре тирәсендә кичә төнлә булган юл-транспорт һәлакәте фаҗига белән тәмамланган.
«Лада» автомобиле йөртүчесе юл кырыена төшеп киткән, машина агачка бәрелгән һәм түбәсенә әйләнеп капланган. Бәрелгәннән соң, ир-ат салоннан «чыгып очкан».
Якынча мәгълүматлар буенча, ир-ат иминлек каешын эләктермәгән булган.
«Юл-транспорт һәлакәтендә машина белән идарә итүче 24 яшьлек егет шунда ук үлгән. 23 яшьлек пассажирның башы имгәнгән, умыртка баганасы һәм аяклары сынган, ул хастаханәгә китерелгән», - дип ачыклык кертте агентлык әңгәмәдәше.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев