Фаҗига: кәләш никахтан соң һәлак булган

Чаллыда яшәгән егет белән кыз биш елга якын очрашып йөргәннәр. Март аенда никах укытканнар, ә туйларын соңрак – августта үткәрергә ниятләгәннәр.
Элина Чаллыда Дәүләт санитария-эпидемиология күзәтчелеге үзәгенең баш табибы булып эшләгән, танылган табиб Кифая Ганиеваның бердәнбер оныгы.

...22 майда төнге сәгать икедә Минзәлә трассасында, Иске Маҗын авылыннан ерак түгел күпер янында юл һәлакәте килеп чыга. «Лада Приора» автомобилендә өч дусның туган көннән соң кайтып килешләре була. Башлангыч мәгълүматлар буенча, руль артында утырган 22 яшьлек кыз тизлекне арттыра, шул сәбәпле идарәне югалта һәм каршы як полосага чыгып, юл киртәсенә килеп бәрелә. 

Элина шофер янындагы пассажир утыргычында була. ЮХИДИ мәгълүматларына караганда, алар икесе дә куркынычсызлык каешларын эләктермәгән.
«Ашыгыч ярдәм» бригадасын вакыйга урынына Элинаның 21 яшьлек ире чакырткан. Ул машинаның арткы утыргычында булган һәм могҗиза белән генә әлеге коточкыч юл һәлакәтендә зыян күрмәгән.

Машинадан чыккач, ул һәлакәтне күреп туктаган шоферлар ярдәмендә 112 телефонына шалтырата башлый. «Челнинские известия» журналистлары карамагында һәлакәт урыныннан алынган видеорегистратор язмасы да бар. Төнге тынлыкта: «Мин исән! «Ашыгыч ярдәм» җибәрегез, коткарырга кирәк!» – егетнең ачыргаланган тавыш белән әйтүе ишетелә. 

Элина табиблар килеп җиткәнче үк җан биргән. Руль артында булган дусты Гүзәлне Чаллы хастаханәсенә озаталар, биредә аңа катлаулы операция ясыйлар. Берничә тәүлек ул реанимациядә үткәргән. Инде кызны травматология бүлеге палатасына күчергәннәр, хәзер аның тернәкләнүен табиблар күзәтә.

Элинаның каенанасының хезмәттәшләре «Челнинские известия» журналистларына сөйләгәнчә, ул аларны никах тантанасы уңаеннан тәмле ризыклар белән сыйлаган, улы һәм килененең фотосурәтләрен күрсәткән, куанып алар турында сөйләгән. Кияү йортында үткәргән йолага кәләшнең әбисе – 79 яшьлек Кифая Ганиева килә алмаган. Озак вакытка сузылган авырудан соң аңа йөрүе кыен. Кияүнең әти-әнисе оныгы Элинаның кулын сорарга килгәч, ул үз ризалыгын биргән, чөнки егет белән күптән таныш була ул.

Казан медицина институтының санитария-гигиена факультетын тәмамлавы турында сөйләгән иде. Кызганычка каршы, Гүзәл 37 яшендә вафат булды һәм аның хастаханәдә әйткән соңгы сүзләре дә тетрәндергеч була: «Әнием, мин сине яратам...».

Әбисе янында оныгы кала, ул вакытта аңа нибары 16 яшь була. Кифая Муллахмәт кызы гаилә династиясен оныгы дәвам итәр дип өметләнгән иде. Тик барып чыкмады…

12 июльдә Элинага 21 яшь тулган булыр иде. 24 май көнне аны шәһәр зиратында – әнисе кабере янында җирләделәр. Җиде елдан соң алар яңадан бергә…

Ляля Гайфетдинова,
«Челнинские известия»дән тәрҗемә.

Шәһри Казан