Караңгы төште дип йокларга ятып булмый

Көзен караңгы иртә төшә. Караңгы төште дип кенә өйдә бикләнеп утырып, яисә йокларга гына ятып булмый, хәрәкәт дәвам итә. Эштән дә кайтырга кирәк, урамга да чыгарга туры килүе бар, олы юлдан да җәяүләп үтүең ихтимал. Шуңа күрә дә ЮХИДИ хезмәткәрләре гел кисәтә, киемнәрегездә яктырткыч кайтыргычлар булсын, ди. Балалар бакчаларында, мәктәпләрдә дә бушлай өләшәләр. Аннан һәрбер баланың киеменә тагылганмы, юкмы икәнлеге белән дә даими кызыксыналар. Чыннан да, балаларыбызның һәм дә үзебезнең киемнәргә тагын бер мәртәбә күз төшереп алыйк әле...куеп та төшеп калмаганмы?.. Уен-муен эш түгел, Аллам сакласын! Инде дә юк икән, яктырткыч кайтаргычлар почта бүлекләрендә сатыла, ЮХИДИда да бар.