Казан-Малмыж юлында машина хәрәкәтләренең тизлеге берөзлексез тикшереләме?

Зөлфия Шакирова, 31 июль 2019 - 08:11

2979

Агымдагы елда Татарстан территориясе аша узучы региналь машина юллларындагы хәрәкәтләр берөзлексез контроль системасы белән тәэмин ителәчәк.

Казан-Малмыж юлында машина хәрәкәтләренең тизлеге берөзлексез тикшереләме?

Безнең Балтач аша узучы Казан-Малмыж юлында да булачак ул. Федераль саналган– “Мәскәү-Уфа”,” Казан-Оренбург”,” Казан-Ульяновск” юлларында әлеге система файдаланыла инде. Автомат рәвештә эшләүче 100 прибор 900 километрдан артык гомуми юлның 290 участогын күзәтә. Датчиклар үзара кушылганнар һәм куелган урыннан ук тизлекне мизгел эчендә, шулай ук ике датчик арасындагы уртача тизлекне дә эләктереп алалар. Әлеге системага күп кенә шоферлар куллана торган “радар-детекторлар” да ярдәм итмәячәк. Димәк, юлларда йөргәндә тизлек режимын төгәл саклау таләп ителә. Шунысын да әйтергә кирәк, тизлекне арттырмау – ул күп кенә юл һәлакәтләрен булдырмыйча кала.