Тугыз кеше үлгән юл һәлакәте өчен йөк машинасы йөртүчесен гаеплиләр
Булган мәгълүматлар нигезендә, MAN йөк машинасын йөртүче идарәне югалткан, дип исәплиләр.
(Казан, 28 февраль, “Татар-информ”). Тикшерү, башлангыч мәгълүматлар нигезендә, Башкортстанда тугыз кеше үлгән юл һәлакәтендә фура йөртүчесен гаепле, дип исәпли. Бу хакта Россия Тикшерү комитетының Башкортстан буенча Тикшерү идарәсе матбугат хезмәте хәбәр итә.
Хәзерге вакыттагы мәгълүматлар буенча, Уфага баручы MAN зур йөк машинасы йөртүчесе идарәне югалткан.
"Татар-информ" хәбәр иткәнчә, коточкыч юл-транспорт һәлакәте кичә көндез М5 трассасының 1546 нчы чакрымында Олы Теләк авылыннан ерак түгел урында булган. Mercedes Spring микроавтобусы һәм MAN йөк машинасы бәрелешкән. Бәрелешү гаять көчле булган һәм ике автомобиль дә юл кырыена очып төшкән.
Нәтиҗәдә, автобустаның сигез пассажиры һәм йөртүчесе һәлак булган. Тагын дүрт пассажир зыян күргән: икесе авыр җәрәхәтләр белән Ашин шәһәре, икесе Иглин районы хастаханәләренә озатылган.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев