Юл-транспорт һәлакәтендә 9 кеше тән җәрәхәтләре алган

Кичә, сәгать 15.20ләр тирәсендә Кукмара-Шәмәрдән юлының 8нче чакрымында юл-транспорт һәлакәте булды, дип хәбәр итте район ЮХИДИ начальнигы Фирдүс Фәхретдинов. "Узып китү тыела" дигән юл билгесенә игътибар итмичә юлның каршы як полосасына чыккан чит ил автомобиле шоферы берьюлы ике автомобиль белән бәрелешә. Нәтиҗәдә әлеге автомобильнең биш кешесе (икесе балигъ булмаган), ә икенче автомобильнең 4 кешесе (берсе балигъ булмаган) төрле тән җәрәхәтләре алалар. Өченче автомобильдәгеләр зыян күрми. Зыян күрүчеләр барысы да исән-сау.

Юлларда һәркемнең сак һәм игътибарлы булуын, тиешле кагыйдәләрне үтәүләрен сорыйбыз.

Чыганак: http://kukmor-rt.ru