«Әлеге балалар күзалдымнан китми, Аллаһы Тәгалә насыйп итеп очрашулар насыйп булсын!» (видео)

Норма авылында яшәүче олы йөрәкле ханым Елена Вәлиеваның Луганскидагы балалар йортларында тәрбияләнүче ятимнәр янында булуы хакында берничә мәртәбә язган идек инде.

«Луганскида булып кайтканнан бирле, әлеге балалар күзалдымнан китми, аларның өмет тулы күзләре белән кочакка сыенулары... сагынам шул сабыйларны, Аллаһы Тәгалә насыйп итеп очрашулар насыйп булсын» , ди олы йөрәкле волонтер.

Исегезгә төшерәбез: районыбыз халкы, волонтерлар, эшмәкәрләр Марат Галәветдинов һәм Сергей Мошкин ярдәме белән Елена ханым ятимнәрне кием-салым, азык-төлек, гигиена кирәк яраклар, дарулар, уенчыклар белән сөендереп кайткан иде.