Балалар суицидында барлык җаваплылык семьяда (фото).

Ильнур, 5 февраль 2015 - 10:23

2417

Республика балигъ булмаганнар комиссиясенеӊ районда узган күчмә утырышыныӊ төп өлеше өйләдән соӊ район мәдәният үзәгендә дәвам итте.

Балалар суицидында барлык җаваплылык семьяда (фото).

Анда республиканыӊ төрле оешмаларыннан килгән белгечләр балалар арасында соӊгы вакытта күбәйгән суицид очракларын булдырмау юнәлешендә үзләренеӊ эш тәҗрибәләре белән таныштылар.

Нинди генә эш алып барылмасын, ул нәтиҗә бирергә тиеш. Бу очракта бала өчен төп җаваплылыкны семья алырга тиешлеген бары бер генә чыгыш - Бехтерев исемендәге Республика психоневрологик үзәге каршында «Сердәш» берләшмәсе белгече Людмила Михайловна ачык, аӊлаешлы итеп җиткерде.

Бу фикер алышулардан чакырылган барлык мәктәп директорлары, укытучылар, тәрбиячеләр, төрле юнәлештә эшләүче белгечләр үзләренә файдалы мәгълүматларны эштә куллансыннар иде.