Балтачлыларның үз якташлыгы төзелде

Һәркем үзенең туган ягына булган хисләрне, кайда гына яшәвенә карамастан, күңел түрендә йөртә. Әти-әнигә, туганнарга, авылдашларга, туган җиргә булган мөнәсәбәт – ул иң якты хис. Читтә яшәүчеләр өчен бу хис аеруча якын. Шөкер, моңарчы читтә яшәүче райондашларыбыз Балтачны онытмады, һәрдаим ярдәм итеп яшәргә тырыштылар.

90 еллар башында Казан шәһәрендә зур концертлар оештырып, райондашларны бергә туплау, элемтәләрне ныгыту юнәлешендә беренче адымнар ясалды. Мәркәзебездә якташларыбызны барлап, берләштереп, районыбызның данын бергә-бергә тагын да югары биеклеккә күтәрү, ярдәмләшеп яшәү максатыннан, узган атнада Казан шәһәрендә рәсми төстә “Балтач якташлык җәмгыяте” иҗтимагый оешмасы оешты. Аның җитәкчесе итеп республикада, ил күләмендә абруйлы шәхес Таһир Галимҗан улы Һадиев сайланды. “Балтач якташлык җәмгыяте” җитәкчесе урынбасарлары итеп ТР Баш Дәүләт ветеринария Идарәсе җитәкчесе Алмаз Хисаметдинов һәм “Казаноргсинтез” заводы генераль директорының икътисад мәсьәләләребуенча урынбасары Фәнис Кәлимуллин тәкъдим ителде.

 

 

 

 

Посмотреть эту публикацию в Instagram

 

 

 

 

 

 

 

 

 

Бүген Казанда Балтачлыларның якташлыгы рәсмиләштерелде. Гомуми җыелыштан соң спектакль тәкьдим ителде һәм ул бик уңышлы узды. #балтаси #балтач #якташларжэмгыяте#хезмэтгазетасы

Публикация от ❗Балтаси - «Хезмәт»❗ (@xezmet_gazetasi) 20 Апр 2019 в 9:29 PDT

Рәсми чарадан соң якташлар игътибарына Балтач халык театры коллективы драматург Булат Сәләховның “Яр” спектаклен сәхнәгә куйды. Читтә яшәүче райондашларыбыз өчен шулай ук Балтачта җитештерелгән продукцияләр дә тәкъдим ителде.

 

 

 

 

Посмотреть эту публикацию в Instagram

 

 

 

 

 

 

 

 

 

«Балтач Якташлар җәгыяте»нең рәсми рәвештә оештыру җыены. #балтаси #балтач #балтачякташларжэмгыяте #хезмэтгазетасы

Публикация от ❗Балтаси - «Хезмәт»❗ (@xezmet_gazetasi) 20 Апр 2019 в 11:53 PDT