Балтачта чернобыльче-райондашларыбыз хөрмәтенә һәйкәл ачылды (+фото)
Чернобыль АЭСы фаҗигасенә 36 ел булды.
Чернобыль атом станциясендәге шартлауга 36 ел тулган 26 апрель көнне Балтачыбызда бу авария һәм, шулай ук, радиациягә бәйле башка фаҗигаләр корбаннарына һәйкәл ачылды.
Бәйрәм чарасында чернобыльче-райондашларыбыз арасында бердәнбер хатын-кыз булган Флера апа Латыпова да катнашты.
Безнең районнан Чернобыль һәләкәтен торгызуда 26 кеше катнашкан, бүгенге көндә аларның 16сы исән.
Якташларыбыз үзләренең сәламәтлекләре һәм гомерләре бәрабәренә кешелек дөньясын бик көчле радиоактив нурланыштан коткарганнар. Алар барысы да үзләренең һөнәри һәм гражданлык бурычларын намус белән үтәп, зарарлы радиоактив матдәләр таралуны булдырмый калганнар.
"Ватан сакчылары" комплексында ачылган әлеге һәйкәл чернобыльче-райондашларыбызның батырлыгын һәрвакыт искә төшереп торыр.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев