«Без волонтерларга бик рәхмәтле!»

«Факел яшьләр (яшүсмерләр) клубы волонтерлар белән кулга-кул тотынып эшләүче оешма. Яшүсмерләрне волонтерлык эшчәнлегенә тарту - клубның төп максатларыннан берсе.

Бары тик изге күңеллеләр генә волонтер була ала. «Факел» яшьләр (яшүсмерләр) клубы хезмәткәрләре яшь буын күңеленә изгелек орлыклары чәчүчеләр булып та тора.

«Нигездә, без Балтач урта мәктәбе һәм Балтач гимназиясе волонтерлары белән эш итәбез. Төрле чараларны оештыруда керткән өлешләре өчен волонтерларыбызга олы рәхмәтләребезне белдерәбез һәм киләчәктә дә шушы җылы элемтәне саклап кала алсак иде!»- дигән теләктә кала «Факел»лылар.