Бүген Эльвираның туган көне

Әйтәсе теләкләр бик күп, кызганыч үзе генә юк... Аны хөрмәт иткән һәркем күңелендә яңгыраган теләкләр бүген якташыбыз рухына дога булып барып ирешсә иде. Яратабыз. Сагынабыз. Юксынабыз сине Эльвира.

Иртүк социаль челтәрдә мәрхүмәнең бертуган апасы Алсу Хәкимҗанованың дөнья күргән шигырен сезнең игътибарга да тәкъдим итәбез.

Буран бүген.... Күзне ачырмаслык,
Күнелдә дә шушы вәзгыять.
Туган көнең.... сиңа гына дигән,
Әйтелмичә калган мең теләк.

Кыш-салкынның шундый гарасаты,
Мәхрүм итте килер җәеңнән.
Синең җан да шундый тынмас иде,
Туймас иде яшәү яменнән.

Нинди сүзләр, ни әйтергә белми,
Күпме күңел елап талпына.
Һәрбер теләк барып җитсен, амин,
Дога булып бакый җаныңа.