Биш буын кыз

Балтач бистәсендә гомер итүче Сәйдәбану Габделгани кызы Ганиеваны районда белмәгән кеше юктыр. Ул озак еллар район үзәк хасатаханәсендә хуҗалык эше буенча җаваплы хезмәткәр, ягъни "сестра хозяйка" булып эшләде. Ул 3 кызга гомер бүләк итә. Ә аның янәшәсендә кызы Суфия Бари кызы Сәлахова. Ә ул исә шәхси эшмәкәр Камил Таҗетдиновның «Юлчы» ширкәтендә сәркатип һәм кадрлар белән эшләү бүлеге мөдире булып хезмәт куеп, лаеклы ялга чыкты. Суфия апаның олы кызы Гүзәлия, ә Гүзәлиянең кызы - Миләүшә, икесе дә район авыл хуҗалыгы һәм азык-төлек идарәсе хезмәткәре. Бу кызлар ягыннан булган күркәм нәсел шәҗәрәсе үз эченә 80 елны ала. Сәйдәбану апа 1933 елгы булса, иң нәни Амирага әле нибары 3 яшь кенә.

Сәйдәбану әби җыйган үзенең кошчыкларын -
Кызы, онык, оныкчыгы һәм оныкчыгы кызын.
Биш буын кыз - нинди бәхет - күркәм нәсел,
Бишесе дә иң олысы - шунысы кызык.