Бу акча җыелмыйча, дәүләт безгә акча бирми

Сүзнең  үзара салым турында барганлыгын аңлагансыздыр инде.  Әлеге акчаның максатчан кулланылуына инанганнар, акчасын кызганмый. Тик менә тамчыдан җыела барган  күлгә кушылырга теләмәүчеләр дә очрый. Хәзерге вакытта Балтач, Норма җирлекләрендә хәл авырдан бара. “Көн дә шуның белән шөгыльләнәбез, үзебез дә җыябыз инде”, ди җирлек башлыклары. Инде референдум үтте, җирлекләрдә нинди эшләр башкарылачагын беләбез, башкарылганын күрәбез,  бәлки тоткарлыклар тудырмаскадыр? Җыелган акча тапкырланмый калмасын иде, эшлисе күп бит.