Габделганиев: эшкуарларның маркетплейсларда сәүдә белән кызыксынуы көннән-көн арта

Чарада Татарстан Республикасының Буа, Апас, Чүпрәле, Кайбыч, Тәтеш, Мөслим һәм Кама Тамагы муниципаль районнарыннан йөздән артык эшкуар катнашты. Аны "Маркетплейс. Легко" электрон сәүдә үзәге һәм iWengo бизнес-мәктәбе оештырды.

«2021 елда без "Маркетплейс. Легко" үзәге хезмәткәрләре белән бергә Республиканың 14 муниципаль районында уку-укыту чаралары үткәрдек, аларда 4 меңгә якын Татарстан эшмәкәре катнашты», – дип хәбәр итте iWengo җитәкчесе Юлиана Гордон.

Эшкуарларның хокукларын яклау буенча Татарстан Республикасы Президенты каршындагы вәкаләтле вәкил, Татарстан Республикасы Президенты ярдәмчесе Фәрит Габделганиев билгеләп үткәнчә, эшкуарларның маркетплейсларда сәүдә белән кызыксынуы көннән-көн арта бара.

"Пандемия шартларында һәм аның белән бәйле чикләүләр белән бәйле интернет-сәүдә күп кенә эшкуарлар өчен үз бизнесларын саклап калуга гына түгел, ә аны үстерү һәм киңәйтү өчен бердәнбер мөмкинлек булды", - дип ассызыклады Габделганиев.

Аның сүзләренә караганда, Татарстанда eCom базарын үстерү бурычларын хәл итү системалы алым таләп итә – бер үк вакытта инфраструктураны үстерү, эшкуарларны укыту, республикага базарның алдынгы уенчыларын җәлеп итү, онлайн-сәүдә тармагында ихтыяҗ булган белгечлекләр буенча кадрлар әзерләү, базарны җайга салу бурычларын хәл итү һ.б. мәсьәләләрне хәл итәргә кирәк.

«Бу мәсьәләләр белән без максатчан рәвештә шөгыльләнәбез. Нәтиҗә буларак, 2021 ел нәтиҗәләре буенча, маркетплейсларда сәүдә итүче Татарстан эшмәкәрләре саны 7 тапкыр арткан һәм планканы 23 меңнән артып киткән. Аларның кереме бер ел эчендә 25 млрд сумга җиткән. Бу әле чик түгел. Data Insight аналитиклары фаразларына караганда, 2025 елга eCom Россия базары тагын дүрт тапкыр артачак. Татарстан эшкуарларының бу тиз үсә торган базарда лаеклы урын алу мөмкинлеге бар әле», - дип ассызыклады ТР бизнес-омбудсмены.

Чыганак: ТИ