Габдрәфыйкъ абый тагын сөендерде

Быелгы ярышларга килгән 2000-2004, 2005 һәм аннан соңгы елларда туган балалар 7 тур уеннар уйнап, үз араларында иң көчлеләрне ачыкладылар. Мәдәният йортының фойесы балаларның, әти-әниләрнең, әби-бабайларның шат авазыннан кичкә кадәр тынып тормады. Җиңүчеләребез дә кичке якта гына билгеле булды. 2000-2004 елгы кызлар-малайлар арасында Гөлшан Сөләйманова /Балтач/ һәм Рамилә Шаһимәрданова (Рамиләбез бу ярышларда үз көчен малайлар арасында сынап карарга булды), Фәйрүзә Шәрипова /Бөрбаш/ һәм Азат Хөрмәтуллин /Салавыч/, Айсылу Әскәрова /Бөрбаш/ һәм Тимерхан Әкбәров /гимназия/ җиңү яуласалар, 2005 елда һәм аннан соңгы елларда туучылар арасында Камилла Юнысова һәм Данил Закиров /икесе дә гимназиядән/, Лина Гатауллина /Норма/ һәм Кәрим Хәйруллин /Шубан/, Таңсылу Хәбибрахманова /гимназия/ һәм Әмир Абдрахманов /Балтач/ яуладылар. Билгеле, 6-8 яшьлекләр дә бүләксез калмады. Шубан ясле-бакчасыннан Әмирхан Хәйруллин, икенче номерлы Балтач балалар бакчасыннан Сәйдәш Камалов, Алим Хәйруллин акчалата бүләкләр белән кайтып киттеләр. Бөрбаштан бертуган Диния-Әмир Бәзәгетдиновлар , Эливира Галиуллина, бертуган Зифа-Ильяс Корбановлар, Әмир Шакиров, Балтачтан Алсу Канафиевалар да шундый ук бүләкләргә лаек булды. Бүгенге көндә "Балтачагрохимсервис" җәмгятендә баш хисапчы булып эшләүче Гадрәфыйкъ Фәйзрахманов балаларыбызны менә шулай сөендерде. Зур рәхмәт аңа!