«Хезмәт десанты» Салавыч Сәрдегәне авылында…

Ильнур, 5 март 2015 - 07:12

2481

Ул район үзәгеннән 12 чакрым төньяк-көнчыгышта урнашкан, Салавыч авыл җирлегенә керә. Авылга 18 йөзнең башында Яңгул кешеләре нигез салган.

«Хезмәт десанты» Салавыч Сәрдегәне авылында…

Алар килеп төпләнгән урын урман арасында сәрдә үләне каплаган аланлык булган - авылның исеме дә әнә шуннан. Сәрдегән оста тимерчеләре, җиз эше осталары белән дә билгеле булган. Бертуган Гафетдин, Фәхретдин, Ш,әмсетдин Бәдретдиновлар шундыйлардан.

Авылда зур сәүдәгәрләр, эшмәкәрләр булмаган. Кечкенә мәчет эшләгән. 1919-1932 елларда үзе аерым авыл Советы булып торган. 1924 елда совет мәктәбе эшли башлый. Биредә белемгә, укырга омтылучан халык яши. Харис Әшрәфҗанов, Дамир һәм Газинур Салиховлар, Рәхимҗан Сабирҗанов, Фәтхетдин Баһаветдинов, Җәүһәрия Хәйретдинова, Гарифҗан Хәкимов, Вәгыйз Баһаветдинов шундыйлардан.

Бөек Ватан сугышына 78 егет китә. Сугыш алды, сугыш һәм аннан соңгы еллар авыл тарихына караңгы еллар булып язылган. Бик күп гаиләләр авылдан чыгып киткән. Шундый гаиләләрнең берсеннән еллар үткәч Ерак Сахалин өлкәсенең губернаторы дәрәҗәсенә күтәрелгән Игорь (Ильяс) Фәрхетдинов үсеп чыккан.

Авылда 76 хуҗалык, якынча 270 кеше.

18 яшькә кадәр 54 бала бар, шуның 24 - бакча, 12 мәктәп баласы.

1925 - 1932 елгы 17 өлкән кеше бар.