Хуш Төркия, исәнме Балтач

Ильнур, 25 ноябрь 2015 - 08:27

2418

Төркия хәрби һава көчләре очкычы безнеӊ илнеӊ СУ-24 хәрби очкычын утка тотып, бәреп төшергәннән соӊ ике ил арасында вәзгыть катлауланды.

Ял сәяхәтләрен оештыручы кайбер оешмалар инде Төркиягә юлламалар сатуны туктаттылар. Россия чит эшләре Министрлыгы башлыгы Сергей Лавров кичәге чыгышында россиялеләргә Төркиягә барудан туктап торырга чакырды. Ике арада аралашу, сәүдә алышуы туктаса, бу хәлләрнеӊ бәһасе белгечләр тарафыннан 44 млр. доллар белән бәяләнә.

Мәдәни өлкәдәге югалтуларны уйласак, аларныӊ бәяләп тә бетереп булмый. Төркиягә товар алырга йөрүчеләр дә бу югалтуларны бик авыр кичерерләр, мөгәен. Күпләр, шул исәптән җәй көне дә кояшта кызынырга ике айга бер ял итәргә шушы илгә йөрергә ияләшкәннәр иде. Бәлки, моннан соӊ ямьле җәй айларында алар үз туган яклары, Балтачка кайтып ял итүне кулайрак күрерләр. Кайтсыннар, туган ягыӊ булып, аӊа кайту үзе бер бәхет бит ул.

Фото: http://vk.com