Яна еллар мөбарәк булсын!

Без — Балтач районыннан чыккан кешеләр һәрвакытта үзебезнең Балтачтан булуыбыз белән горурланып яшибез. Сезнең авыл хуҗалыгы, мәгариф өлкәсендәге һәм башка юнәлешләрдә ирешкән нәтиҗәләрегезгә, уңышларыгызга һәрвакыт сөенәбез һәм шул ук вакытта горурлык хисләре дә кичерәбез.

Кадерле дуслар, райондашлар! Җир өстенә аклык алып килгән Яңа ел бәйрәме котлы булсын! Яңа елда сезнең яхшы ниятләрегез тормышка ашсын, яңа ел һәр йортка, һәр гаиләгә сәламәтлек, мәхәббәт һәм бәхет китерсен, тормышка шатлык, тынычлык һәм иминлек бүләк итсен. Тормыш юлларында шатлыклы очрашулар, бәхетле елмаюлар, куанычлы мизгелләр күп булсын! 

Яңа ел яхшы хәбәрләр, яңа вакыйгалар, яңа сөенечләр, яңа танышулар алып килсен! Бер-берегезне саклап, яратып-яратылып яшәгез! Яна еллар мөбарәк булсын!