Балтачлылар «Хәрбиләргә мылтык һәм сугыш кирәк-яракларын тапшыр» акциясенә кушылыгыз!

Районыбыз халкы бүгенге көндә хәрби операциядә катнашучы егетләребезгә мөмкин булган барлык ярдәмне күрсәтә: сугышчылар өчен җиңел машиналар, мотоцикл-лар, көндәлек кирәк-яраклар, медикаментлар, туклануны тулыландыру юнәлешендә җыелган ярдәм волонтерларыбыз тарафыннан даими илтеп тапшырыла.

Ярдәм йөзеннән, хәрби операциядә катнашучыларыбыз тагын бер өлкәдә булышуны сорыйлар. Бүгенге көндә бәрелешләрдә дроннар һәр ике яктан да киң кулланыла. Дошман ягыннан җибәрелгән очкычларны юкка чыгаруда ау мылтыклары файдалану күпкә отышлы, дип расланган. Шунлыктан, районыбыз аучылары, мөмкин булса, кулда булган мылтыкларны нәкъ менә үзебезнең егетләргә тапшыруны оештырсак иде. Моның өчен Балтачта Татарстан Республикасы Росгвардиясе фонды инспекторы Фәрит Гариповка 2-56-61 яисә 89872 27 24 55 телефоны аша мөрәҗәгать итәргә кирәк. Аның янына килгәндә, мылтык белән бергә аны куллану өчен бирелгән рөхсәт кәгазен алып килү сорала. Сугышчыларыбызга ау мылтыклары рәсми рәвештә килешү нигезендә тапшырыла.

Игътибар, мылтыклар белән бергә алар өчен алынган патроннарны да тапшыру кирәк. Мылтыктан башка патроннарны өйдә саклау җаваплылыкка тартылырга нигез булып тора.

Сугышчы егетләребезнең гомерен саклау өчен бу мөм-кинлекне дә тулысынча файдалансак иде.