Илһам Гайнетдинов: “Мөмкинлекләре чикле булып та чиксез мөмкинлеккә ия алар” (+фоторепортаж)

Быел да, бер әйтүгә үк күңелләре булып, район мәдәният үзәгенә җыелдылар алар. Сабыр йөрәкле хөрмәтле иптәшләр хөрмәтенә матур эчтәлекле концерт әзерләнгән иде. Һәрбер номер белән беррәттән "Балкыш" ансамленең дә чыгышларын яратып карадылар, көчле алкышларга күмделәр. "Дуслар җыелган җирдә" исемле әлеге чара шагыйрә Чулпан Габделганиеваның шигырьләре белән башланып китте. "Өметем шәме пыскып янганда" дигән үзәк өзгеч шигъри юллар күңелләргә үтеп кереп, чара дәвамы буенча күңелдән китмәде. Кунакларга кече залда кайнар чәй белән өчпочмак та тәкъдим ителде, моның өчен социаль яклау бүлеге иганәчелек ярдәме күрсәткән Тимирязев исемендәге, "Яңа тормыш", "Татарстан" җәмгыятьләренә рәхмәтен белдерде.