Иннополис галиме галимнәрнең читкә китүе турында: фәндә "милләт" төшенчәсе юк

Фундаменталь фәндә конкрет кайсыдыр милләткә яки илгә беркетелү төшенчәсе юк. Шуңа күрә галимнәрнең башка дәүләтләргә еш кына күчүләрен "баш миләре агу"ы дип атарга ярамый. Бу хакта Андрей Кузьминга биргән интервьюсында РФ Президентының фәнни премиясе лауреаты Владимир Максименко сөйләде.

Ул искәрткәнчә, чит ил кадрлар системасы, конкрет проект өстендә эшләү өчен, бөтен дөнья буенча хезмәткәрләрне вакытлыча яллау принцибы буенча оештырылган. Аның нигезендә фәнни бурычларны хәл итү өчен грантлар һәм максатчан акчалар ята.

"Фундаменталь фәндә милләт төшенчәсе юк. Аның көче шунда ки, бөтен дөнья җәмәгатьчелеге үзара хезмәттәшлек итә, һәм бу белемнәр туплана», — дип аңлатты Максименко.

Ул кадрларны югалту турында патентлар һәм технологияләрдән файдалану хокукы белән бәйле конкрет проектлар киселешендә сөйләшергә мөмкин, дип өстәде.

Владимир Максименко белән әңгәмәнең тулы версиясен sntat.ru сайтында укыгыз

Тулырак: ТИ