Карадуган гимназиясе мөмкинлекләре чикле укучыларының хыялын чынга ашырды

"6 нчы апрель көнне Карадуган гимназиясенең 5-6 һәм 9 нчы сыйныфта укучы мөмкинлекләре чикле балаларның тагын бер хыяллары чынга ашты - Казан шәһәренең Татар дәүләт курчак театры "Әкият" кә сәяхәт кылдылар. Бу хыялны чынга ашыручы, изге куңелле, мәрхәмәтле кешеләргә олы рәхмәтебезне җиткерәбез. Менә алар кемнәр: гимназиябез директоры Гөлсинә Фаиловна, район җитәкчесе урынбасары Илшат Солтанович, Татнефть оешмасы хезмәткәре Рөстәм әфәнде, ХЭС хезмәткәре Илнар әфәнде, Казан шәһәренең "Сандугач" фонды, шофёрыбыз Марат абый. Шушы изге айда эшләгән саваплы изге гамәлләрегез үзегезгә меңе белән әйләнеп кайтсын!" - дигән теләкләрен һәм сөенечле хәбәрен Карадуган гимназиясе инклюзив белем бирү буенча директор урынбасары Гүзәл Нурулловна Закирова җиткерде.