"Хезмәт"не эзләп йөрисе юк...

Соңгы вакытларда редакциягә газета сорап килүчеләр күбәйде. Әлеге мөрәҗәгатьләрне истә тотып, үзәк универмагтагы сәүдә нокталарының берсендә “Хезмәт” газетасын сату оештырылды. Әмма шуны онытмасак иде, газетаны аерым номерлап сатып алганда ул күпкә кыйммәт чыга. Ә менә ярты елга язылып куйсаң, күңелең тыныч булачак, “Хезмәт” атна саен җомга көнне өегезгә кадәр үзе киләчәк, эзләп йөрисе дә юк. Язылу бәясе дә үзгәрешсез калды – 6 айга 648 сум. 2 айга языласыгыз килсә – 216, өч айга – 324, дүрт айга – 432 сум.

Барлык яңалыкларны сайттан укып барабыз, дип “Хезмәт”нең кәгазь вариантыннан баш тартучылар да очрап куя. Шуны искәртәсе килә: хәзер сайтыбызның форматы үзгәрде. Шуңа да сайт һәм газета икесе ике юнәлештә эшләячәк. Иң мөһим вакыйгалар, белдерү-яңалыклар, кызыклы язмалар, райондашларыбызны борчыган мәсьәләләр тулырак бары “Хезмәт”нең газета вариантында гына урын алачак.