Хөрмәтле әфганчы-интернационалистлар!

Сезнең хәрби бурычка тугры булуыгыз, үзара ярдәмләшеп һәм дус булып яшәвегез яшь буын өчен яхшы үрнәк булып тора. Ел да Әфганчылар көне уңаеннан үткәрелгән очрашып-сөйләшүләр, мәдәни чаралар сезнең бердәмлекне тагын да ныгытсын, уртак максатларыгыз тормышка ашсын, гаиләләрегезгә тазалык, имин дөньяларда тыныч күңел белән яшәргә язсын!

Шушы сугыш кырында үзенең ирләрен, улларын, абый-энеләрен югалткан гаиләләр алдында баш иям, аларга сабырлык телим. Беребезнең дә бу кайгылы көннәрне онытырга хакы юк!

Олы ихтирам белән Балтач районы хәрби комиссары Васыйл ВӘЛИЕВ