Әҗәлгә каршы торып булмый икән…

Соңгы сигез елда тормышыбызның үзәге, яшәвебезнең мәгънәсе булган балабыз безне калдырып китте. Якты кояш сүнгәндәй, дөнья тоташ караңгылыкка чумган кебек булды, бүгенге көнгә кадәр чын-чынлап аңга килә алмыйбыз. Авыр минутларыбызда Кунырда һәм Казанда яшәүче туганнарыбызның, күршеләребез Миләүшә һәм Ильдар Гарифуллиннарның, Хәмдия белән Фердинант Гыйлемҗановларның, район социаль яклау бүлеге җитәкчелегенең һәм хезмәткәрләренең даими ярьдәмен тоеп яшәдек.

Кызыбызны дәвалау һәм газапларын киметүдә куйган тырышлыклары өчен район үзәк больницасы табиплары Гөльнара Мансуровнага, Вероника Аркадьевнага, Фәүзия Мингалиевнага һәм ашыгыч ярьдәм хезмәтендә эшләүче барлык медицина хезмәткәрләренә, шоферларга олы рәхмәтләребезне һәм чиксез ихтирамыбызны җиткерәбез.

Гөлназны тәрбияләүдә көндәлек булышлык иткән Лилиягә, Әлфиягә, Венерага, Эльвирага, Эльмирага һәм соңгы елда безнең яннан китмичә эшләүче Гөльшат Шаһимәрдановага, даими рәвештә өебезгә килеп кызыбызның хәлен белешеп - күңелен күтәреп торган классташлары Инсаф, Регина, Раилә, Гөльнара, Ландыш, Энҗе, Гөльшатларга, Арча мәгариф көллиятендә бергә укыган дусты Сирин Гиниятуллинга аеруча рәхмәтлебез.

Кызыбыз Гөльназ вафат булгач безгә рухи һәм матди ярьдәм оештырган Балтач урта мәктәбе директоры Гыйләҗева Гөльчәчәк Фидаил кызына, укытучылар коллективына, тормыш иптәшемнең хезмәттәшләренә, кызыбызның беренче укытучысы Фенера Тәбрисовнага, урта мәктәптәге сыйныф җитәкчесе Резеда Фоатовнага, төн саклауга килгән барлык өлкән апаларга, кызымның барлык классташларына, олы кызыбыз Гөльязның классташларына, барлык күршеләребезгә чиксез рәхмәтлебез.

Гөльназыбызны соңгы юлга озатканда дини йолаларны җиренә җиткереп башкарган Тәгъзимә, Зәмзәмия, Фирдәүсә апаларга, Куныр авылы имамы Рафис хәзрәткә һәм авылларыбыз өлкәннәренә, кызыбызның җәсәден авылга алып кайту өчен махсус машина белән тәэмин иткән үзәк больницаның баш врачы Газинур Дәулиевичка, мәрхумәне Балтачтан озатканда килгән, Куныр зиратында каршы алып җирләүдә катнашкан барлык туганнарыбызга, күршеләребезгә, авылдашларыбызга зур рәхмәтләребезне һәм чиксез ихтирамыбызны җиткерәбез.

Мәрхүмә кызыбыз Гөльназның урыны оҗмахта булсын!!! Тыныч йокла бәгырькәебез!!! Укыган догаларыбыз синең рухыңа барып ирешсен!!! Бер генә кешегә дә соңгы сулышын алучы баласының «Минем бик яшисем килә бит, әтием!» дип әйткән үзәк өзгеч сүзләрен ишетергә язмасын!!!

Кызым вафат… Күздән яшьләр ага,
Йөрәгемнән саркып кан тама…
Якты кояш нурын - җылылыгын,
Үзе белән алды бу бәла.

Фото: http://www.pravoslavie.ru