Өлкәннәр декадасын үткәрү турында

Шулай ук район буенча ялгыз яшәүче, социаль хезмәткәрләр карамагында булган 255 өлкән яшьтәге ветеран бар. Картларның мәнфәгатьләрен яклау, тормышларын җиңеләйтү максатыннан күп кенә акция һәм программалар гамәлгә ашырыла. Әби-бабайларыбызның гомер озынлыкларын арттыру өчен социаль һәм медицина хезмәткәрләре зур көч куя. Өйләргә барып ярдәм итү, хәлләрен белешү, аларга хөрмәт һәм игътибар күрсәтү бу ункөнлектә генә түгел, ә дәвамлы булсын иде.

Әлеге мәсәләләр турында бүген үткәрелгән видеобрифингта да әйтелде. Көнүзәк мәсьәләләрдән: пенсионерларны соцпакеттан баш тартмаска, декада дәвамында үткәрелгән проектларда активлык күрсәтергә, компьютер курсларына йөрүдән, өлкәннәр өчен махсус оештырылган чаралардан һәм клублардан читләшмәскә чакырдылар. Компьютерны үзләштергән өлкәннәр социаль челтәрләрдән файдалана белә, өйдән чыкмыйча табибка языла белә, торак-коммуналь хуҗалык хезмәтләре өчен түли, скайптан дуслары, туганнары белән аралаша. Кайда, нәрсә узуын өлкәннәр Татарстан Хезмәт, халыкны эш белән тәэмин итү һәм Социаль яклау министрлыгы һәм Пенсия фондының "кайнар линияләре"нә шалтыратып белешә ала.